Lavur sociela da scoula a Samedan

La lavur sociela da scoula es ün post da cussagliaziun neutrel ed independent in scoula. La persuna respunsabla sustegna ed accumpagna ad iffaunts e giuvenils düraunt il crescher sü e promouva lur cumpetenzas da schoglier problems persunels e/u sociels. Ella ho ün büro in scoula.

Spüerta

La respunsabla per la lavur sociela da scoula

• cussaglia ad iffaunts e giuvenils da la scoulina fin in 9evla classa ed als sustegna in situaziuns problematicas u dafatta disperedas.
• sustegna e cussaglia a las persunas d’instrucziun, chi haun difficulteds cun singuls scolars/singulas scolaras, cun gruppas u classas.
• sto scu persuna da contact independenta a disposiziun als genituors, chi tscherchan soluziuns pels problems da lur iffaunts.
• fo intervenziuns ed organisescha acziuns da prevenziun in classas u gruppas.
• intermediescha adressas da posts specialisos e do infurmaziuns.

Confidenziel e facultativ

La lavur sociela da scoula es ün servezzan, chi sustegna la scoula e chi’d es professiunelmaing independent. Ella suottasto a la discreziun professiunela (excepziun: in cas da ferma periclitaziun). La spüerta es gratuita e per regla facultativa.

Preschentscha

mardi: aunzmezdi e zievamezdi 

venderdi: aunzmezdi

venderdi: zievamezdi (mincha 2 eivnas)

Contact

telefon mobil: 079 / 790 35 09

e-mail: s.jehliremovthis@gde-stmoritzremovthis.ch

adressa da contact: Sidonja Jehli, Puoz 2, 7503 Samedan