Home

Allegra

Cheras visitaduras, chers visitaduors da nossa homepage

Sün nossa homepage chattan Els las classas e las persunas d’instrucziun. Lo vezzan Els eir, che cha nossa scoula spordscha. A vela la paina da guarder pü precis quistas spüertas.

Ch’Ellas/Els sajan cordielmaing bainvgnieus sülla homepage da la scoula cumünela da Samedan!

Nus essans üna scoula mneda. Accumplind il plaun d’instrucziun, ans orientainsa vi da las fermezzas da nossas scolaras e noss scolars. Que ans gratagia da fer il spagat traunter trends e tradiziun: Nus essans innovativs ed a listess temp aderents da la tradiziun. 

La bilinguited rumauntsch–tudas-cha succeda tar nus in möd immersiv e cumainza già a scoulina. Nus essans ils pioniers da las scoulas bilinguas e vains perque grandas experienzas. Ün colleghium cumpetent pissera cha’ls böts vegnan ragiunts.

Nus fains evaluaziuns sün tuot ils nivels. Ellas sun üna part da nossa cultura da scoula.

Haun Ellas/Els dumandas u vögliane cugnuoscher detagls? Schi ch’Ellas/Els ans contacteschan sainza esiter.

Uossa Las/Als giavüschi bger divertimaint cun sföglier tres nossa homepage!

 

Cordielmaing

Robert Cantieni

mneder da scoula

Classas / Magistraglia

Scoulina

Ils iffaunts da tschinch e ses ans frequaintan la nouva scoulina tripla sül areal da scoula Puoz. Las trais secziuns haun nom Muottas, Gravatscha e Müsella.

inavaunt>>

Integraziun linguistica

Temp da bloc e canorta

Lavur sociela da scoula a Samedan

La lavur sociela da scoula es ün post da cussagliaziun neutrel ed independent a scoula. Ella sustegna ed accumpagna ad iffaunts e giuvenils in lur process da crescher e da dvanter creschieus ed ella promouva lur cumpetenzas da schoglier problems persunels e/u sociels.

inavaunt>>

Scoula primara

Cor d'iffaunts "Las Filomelas"

S-chelin ot

Il s-chelin ot consista da la scoula reela e secundara. Eir scolaras e scolars da Bever e da Schlarigna frequaintan nos s-chelin ot. L’intermediaziun da la materia d’imprender succeda in möd biling. Impè dal princip „üna lecziun – üna lingua“ vain applicho quel da „l’adöver da lingua integro“. Que voul dir, cha las lecziuns sun bilinguas. Il müdamaint da lingua vain decis dal magister/da la magistra, cò e lo eir dals scolars. Il böt da quist princip es da ragiundscher üna bilinguited equilibreda in tuot ils rams e temas.

inavaunt>>

Teater